Persónuverndarstefna

Síðast uppfært 21. október 2026

Nafna hjálpar fólki að finna barnanöfn saman. Við söfnum aðeins þeim upplýsingum sem þarf til að appið virki. Hér getur þú séð hvaða upplýsingar við vinnum með, hvernig þær eru notaðar og hvaða réttindi þú hefur.

Ábyrgðaraðili

Sunna Rún Þórarinsdóttir ber ábyrgð á vinnslu persónuupplýsinga í Nafna.

Hægt er að hafa samband í gegnum nafna@nafna.is.

Hvaða upplýsingum söfnum við?

Við vinnum með eftirfarandi upplýsingar til að veita þjónustuna:

• Nafn: Nafnið sem þú velur að birta öðrum á listanum.
• Innskráningarupplýsingar: Netfang og, ef þú notar Google-innskráningu, Google-auðkenni og prófílmynd.
• Listar og stillingar: Listar sem þú stofnar eða gengur í, heiti þeirra, valdar stillingar og upplýsingar sem þarf til að velja nöfn.
• Nafnaval: Nöfn sem þér líkar eða hafnar og fjöldi nafna sem þú hefur skoðað. Val þitt er einkamál þar til því er deilt með öðrum á listanum.
• Boð: Netfang þess sem þú býður á lista er notað til að senda boðið í gegnum Firebase. Nafna geymir ekki netfangið sem hluta af boðinu.

Nafna geymir einnig staðbundnar stillingar í vafranum þínum, svo sem þema, útlit og síur. Þær eru ekki sendar á netþjóna Nafna.

Hvernig notum við upplýsingarnar?

Upplýsingarnar eru notaðar til að:

• veita aðgang að appinu og listunum þínum,
• halda utan um nafnaval og sýna sameiginlegar niðurstöður,
• bjóða öðrum að taka þátt í listum,
• tryggja öryggi og koma í veg fyrir misnotkun.

Nafna notar ekki auglýsingar, greiningartól eða rakningarkökur. Persónuupplýsingar eru ekki seldar eða notaðar í auglýsingaskyni.

Lagagrundvöllur vinnslunnar er fyrst og fremst nauðsyn þess að veita þá þjónustu sem þú óskar eftir.

Hverjir hafa aðgang að upplýsingunum?

Nafna notar eftirfarandi þjónustuaðila til að reka appið:

• Google Firebase: Sér um innskráningu og gagnagrunn. Gagnagrunnurinn með listum og vali er hýstur í Evrópu. Innskráningarupplýsingar kunna að vera unnar utan Evrópska efnahagssvæðisins með viðeigandi verndarráðstöfunum.
• Cloudflare: Sér um afhendingu vefsins og vinnur með IP-tölur í tæknilegum tilgangi, meðal annars til að verjast misnotkun.

Letur og forritasöfn sem appið notar eru hýst hjá Nafna sjálfu, svo tækið þitt sækir þau ekki til annarra þjónustuaðila.

Ef þú velur að styrkja Nafna með því að ýta á „Bjóða í kaffibolla“ ferðu á Ko-fi. Greiðslur fara í gegnum Ko-fi og/eða PayPal og gilda þá persónuverndarstefnur viðkomandi þjónustuaðila.

Hversu lengi eru upplýsingarnar geymdar?

Upplýsingarnar eru geymdar þar til þú eyðir aðganginum þínum. Enginn sjálfvirkur eyðingarfrestur er fyrir aðganga sem ekki eru notaðir, svo gögnin haldast þar til þú eyðir þeim eða biður okkur um það.

Þú getur eytt aðganginum undir Stillingar → Eyða aðgangi. Þá er eftirfarandi eytt:

• innskráningunni þinni, nafni og prófílmynd,
• öllu vali þínu, bæði því sem er í einrúmi og því sem þú hefur deilt,
• aðild þinni að listum,
• listum þar sem þú ert ein(n) eftir.

Listar sem aðrir eru enn á haldast fyrir þá, ásamt heiti listans, því það er sameiginlegt öllum á listanum. Stillingar fyrir „Prófa fullt nafn“, svo sem millinöfn og fornafn foreldris, eru geymdar hjá hverjum og einum og eyðast með aðganginum. Þú ert þá ekki lengur skráð(ur) sem stofnandi listans.

Ef eitthvað mistekst við eyðinguna, til dæmis vegna netsambands, færðu skilaboð um það og aðgangurinn er ekki eytt fyrr en allt hefur tekist.

Ef þú yfirgefur lista er valinu sem þú deildir með honum eytt.

Það sem er eytt hverfur strax úr gagnagrunninum. Til að verjast gagnatapi tökum við dagleg afrit af gagnagrunninum sem eru geymd í allt að 98 daga, og hægt er að endurheimta gagnagrunninn eins og hann var síðustu 7 daga. Eydd gögn hverfa því endanlega úr afritum innan 98 daga. Afritin eru geymd hjá Google í Evrópu og eru aðeins notuð til að endurheimta gögn ef eitthvað fer úrskeiðis.

Ef þú getur ekki eytt upplýsingum sjálf(ur), til dæmis ef þú hefur ekki lengur aðgang að tækinu, geturðu haft samband við okkur á nafna@nafna.is.

Réttindi þín

Samkvæmt persónuverndarlögum og GDPR getur þú, eftir því sem við á, óskað eftir:

• Aðgangi að persónuupplýsingum þínum.
• Leiðréttingu á röngum upplýsingum.
• Eyðingu persónuupplýsinga.
• Takmörkun vinnslu eða andmælt vinnslu við tilteknar aðstæður.

Sendu beiðni á nafna@nafna.is. Við svörum án ótilhlýðilegrar tafar og almennt innan eins mánaðar.

Breytingar á stefnunni

Ef persónuverndarstefnan breytist birtum við uppfærða útgáfu hér og breytum dagsetningunni efst á síðunni.